Իրավունքի և արդարության կենտրոն «Թաթոյան» հիմնադրամի ներկայացուցիչ Տաթևիկ Թոխյանը «Կանանց սոցիալական աջակցության ծառայությունների բարելավում համայնքներում» խորագրով աշխատաժողովի ժամանակ մասնակիցներին է ներկայացրել աշխատանքային իրավահարաբերություններին առնչվող օրենսդրությունն ու պրակտիկ խնդիրները։
Աշխատաժողովը, որի իրականացմանն աջակցել է ՄԱԿ-ի Բնակչության հիմնադրամը՝ ԵՄ ֆինանսական աջակցությամբ իրականացվող «Ապագան այսօր» ծրագրի շրջանակներում, նախատեսված է եղել «Վիննեթ Հայաստան կանանց ռեսուրս կենտրոնների ցանց»-ի և ընտանեկան բռնության հիմնահարցերով զբաղվող հասարակական կազմակերպությունների ներկայացուցիչների համար Երևանից և մարզերից։
Տաթևիկ Թոխյանը խոսել է աշխատանքային օրենսգրքի հիմնական դրույթներից, աշխատանքային հարաբերություններից, աշխատանքային հարաբերություններում ճգնաժամերի սոցիալտնտեսական ազդեցությունից ու խտրականության դրսևրումներից, ինչպես նաև մանրամասնել է, թե իրավունքների պաշտպանության համար որտեղ կարող են դիմել։
Նա մասնակիցներին խորհուրդ է տվել ուշադրություն դարձնել իրենց հետ կնքվող պայմանագրի տեսակին, անպայման ծանոթանալ պայմաններին և բարձրաձայնել ցանկացած խնդիր, որն առաջանում է աշխատանքում։
