Իրավունքի և արդարության կենտրոն «Թաթոյան» հիմնադրամը հրապարակել է անգլերեն զեկույց «Ադրբեջանական շարունակվող ատելության քաղաքականությունը հայերի նկատմամբ․ պետության կողմից հովանավորվող վայրագությունների մոտիվացիան» վերնագրով։
Զեկույցում տեղ են գտել սեպտեմբերի 13-15-ը Հայաստանի նկատմամբ ադրբեջանական հարձակման հետևանքով արձանագրված խոշտանգումները, պատերազմական մյուս հանցագործությունները։ Այդ պատերազմական հանցանքները հիմնավորող ապացույցների ամրագրումն ունի ադրբեջանական իշխանություններին քրեական հետապնդման ու պատժի ենթարկելու համար հիմքեր ապահովելու նպատակ։
Առանձին անդրադարձ է կատարվել ադրբեջանական իշխանությունների կողմից պետական մակարդակով հրահրվող կրոնական հիմքով թշնամանքին, դրդապատճառներին։
Փաստերը վկայում են, որ ադրբեջանական իշխանությունների կողմից հովանավորվող հայատյացության քաղաքականությունը ոչ միայն չի դադարել, այլ գնալով ավելի է խորացել՝հասնելով բացահայտ ֆաշիզմի։
